Microsoft تعلن عن سحب دعمها التقني لـ VISTA

Bilal Nasser · 03-08-2010, 10:58 PM

Microsoft تسحب دعمها التقني لـ VISTA رسمياً بدءاً من 13 نيسان القادم

فشل نظام التشغيل VISTA لشركة مايكروسوفت في الوصول إلى حجم مبيعات WINDOWS XP، كما كانت تطمح لها الشركة.
وأعلنت شركة مايكروسوفت أنها بصدد سحب دعمها لإصدارات نظام التشغيل VISTA المحرومة أصلاً من حزم الخدمات المجانية، ما يعني في حال تطبيق هذا القرار، أن مستخدمي نظام التشغيل VISTA لن يصبحوا قادرين على تحديث أجهزتهم، ما تعرضها لخطر هجمات الفيروسات بشكل كبير.
وتخطط شركة مايكروسوفت لسحب تأييدها التقني لإصدارات VISTA RTM في 13 نيسان، قبل بضعة أشهر من سحب دعمها لـ Windows XP SP2و Windows 2000'den في 13 تموز من هذا العام، في حين بإمكان الأشخاص أو الشركات التي تعتمد على نظام تشغيل Windows Server 2003 الحصول على الدهم التقني مقابل دفع مبلغ من المال.
وتقول مايكروسوفت أن الدافع وراء هذا الإعلان هو تبليغ المستهلكين بشكل مسبق درءاً لمخاطر المفاجئة.
وتهدف مايكروسوفت إلى سحب دعمها لنظم التشغيل القديمة خطوة بخطوة لفسح المجال امام نظام تشغيلها الجديد، والمأمول منها بان تحقق طموحات الشركة Windows 7.

سيريانيوز

Eyad · 03-09-2010, 09:00 AM

والسنة الجاي بيسحبوا الدعم عن Win 7 وبيقولوا Win 8 هو الحل الانسب ...

ويلي بعدها بينسحب من Win8 لانو ما وصل لدرجة مبيعات XP || Win7 ويلاا على Win 9

والى اللا نهائية وما بعدها

ونحن نبقى مستهلكين من الأخر أي Final Uses فقط ...

و " يا رب ينزلوا هالكم ميزة ونحنا عم نستناهم ... ويا رب ينزلوا ألعاب أحلى .. وأجهزة أفضل .. منه للألعاب ... ومنه بصير بقول قدام الناس أنو عندي هيك جهاز ....... و يااااااااااااي على الشغلات الحلوة يلي نازلة بدي انزل جيبها من البحصة ... و ممممممممممممم ..... etc"

حسبي الله ونعم الوكيل ,,,,,,, اللهم أعنا على انفسنا واجعلنا كما تحب وترضى

والسلام مسك الختام .

Flash · 03-09-2010, 01:23 PM

أنا من فترة حاب انتقل لويندوز 7 خصوصا بعد ما نزلت الشركة كل تعاريف جهازي على الموقع

لكن عندي كم سؤال لأهل الخبرة:

سمعت انو مو كل البرامج بتشتغل على ويندوز 7 فهل هاد الشي صحيح واذا كان صحيح شو وضع:

كاسبر سكي
فيجوال ستوديو 2008
سيكوال سيرفر 2000 - 2005 - 2008
VM-Ware

وشو وضعو بالنسبة للذاكرة أنا عندي الفيستا بالع غيغا وربع من الرام فهل وندوز 7 نفس الشي ؟؟؟

A_Alakkad · 03-09-2010, 01:46 PM

سيدي .. بدون يلغو الدعم .. يلغوه .. شو عم يعمل الماك ؟
من طرف الجيبة
أو بأسوأ الأحوال مننتقل عالـ Linux

ومشان البرامج يلي ذكرتها Flash
منزل عندي منها :
الفيجوال ستوديو 2008
والإس كيو إل سيرفر 2005
والـ VMware 7 ومن قبلو الـ 6
والكاسبر 2010 ومن قبلو الـ 7
تقريبا ً كل البرامج بتشتغل عالـ 7
ولهلأ ما مرق معي ولا برنامج إلا واشتغل عندي

ومشان الرامات ما بيبلع كتير رامات
أصلا ً أحد أهم الشغلات يلي صلحوها بالـ 7 وكانت موجودة بالـVista هي شغلة الرامات
يعني إذا كانوا الرامات عندك 1 غيغا فبيشتغل النظام (كمتطلبات دنيا)
وبنصح أي واحد عم يشتغل عالـ Vista يقلب عالـ 7
لأنو لح يلاقي فرق واضح بيناتون

والله أعلم

Eyad · 03-09-2010, 02:28 PM

اقتباس:

المشاركة الأصلية كتبت بواسطة A_Alakkad

سيدي .. بدون يلغو الدعم .. يلغوه .. شو عم يعمل الماك ؟
من طرف الجيبة
أو بأسوأ الأحوال مننتقل عالـ Linux

وبنصح أي واحد عم يشتغل عالـ Vista يقلب عالـ 7
لأنو لح يلاقي فرق واضح بيناتون

والله أعلم

طيب ويلي على xp شو بتنصحه سيدنا

WaJiHoO · 03-09-2010, 03:55 PM

الحمد لله أنا الفيستا كلو ما قربت عليه و ما طئتو ... و نطيت من xp لل7 دغري
و مبسوط عليه كتير ... لل7

و كلشي برامج بتشتغل عندي
و حتى لو ما اشتغلت .. في شغلة اسمها xp mode بتقدر تشغلها عليه

Flash · 03-09-2010, 05:06 PM

شكرا A_Alakkad && WaJiHoO Bilal Nasser

Bilal Nasser · 03-09-2010, 05:25 PM

بالنسبة لكل البرامج اللي ذكرتها أخي flash فكلها بشتغل على ال7 ومثل ما قال وجيه بالنسبة للبرامج اللي ما بتشتغل ممكن تشغيلها عن طريق ال xp mode، بس إجمالاً كل البرامج اللي بتشتغل عالفيستا حكماً بتشتغل عال7، بتبقى بس بعض البرامج اللي كانت مصممة للxp فهي بحاجة لل xp mode
أنا تعاملت مع الفيستا لأنو كان جاي مع اللابتوب عندي نسخة فيستا أساسية، وكان دوماً سبب للمشاكل بالجهاز من بطء وتعليق واستهلاك لموارد الجهاز وهلأ قلبت عال7 والفرق بينهم واضح، لقيت ال 7 أحسن بكتير من الفيستا (على فكرة: ويندوز فيستا تم تصنيفه على رأس قائمة للاختراعات العشرة الأكثر فشلاً عالمياً ضمن هذا العقد) نزل استهلاك الرامات للنصف تقريباً والمعالجة صارت أسرع

Bilal Nasser · 03-09-2010, 05:26 PM

اقتباس:

المشاركة الأصلية كتبت بواسطة Eyad

طيب ويلي على xp شو بتنصحه سيدنا

اللي جهازه xp وبيتحمل ينزل عليه ال 7 بنصحه يقلب عال7

{..Lilo..} · 03-09-2010, 11:26 PM

ايه كتر خيرون ع الاعلان ..

انا كنت من "المجبورين" على استخدام الفيستا لاني بعد ما اشتريت لابتوبي

تفاجأت بأنه لا يوجد تعريفات ع XP وهلأ الحمد لله حدثت لـ Windows 7

والأداء أفضل بكثير ..

وبالنسبة للبرامج فأغلب البرامج شغالة عندي بس Symantic antivirus مانزل

	تطوير ShababZ Team
	Powered by vBulletin® Version 3.8.3 Copyright ©2000 - 2010, Jelsoft Enterprises Ltd. جميع الحقوق محفوظة لــ ShababZ